სიახლეები
სასიამოვნო სიახლე ბრაზილიაში დასვენების მსურველებს !!!!
ძალიან მაგარი სიახლე მათთვის, ვისთვისაც ბრაზილიაში დასვენება აქამდე ოცნებად რჩებოდა...
საქართველოსა და ბრაზილიის ფედერაციულ რესპუბლიკას შორის ორდინარული პასპორტების მფლობელთათვის უვიზო რეჟიმის შესახებ შეთანხმებას დღეს საქართველოს საგარეო საქმეთა სამინისტროში მოეწერა ხელი. დოკუმენტი 30 დღეში ამოქმედდება.
როგორც საგარეო საქმეთა სამინისტროში აცხადებენ, შეთანხმება გულისხმობს ორივე ქვეყანაში ტურისტული და ბიზნესის მიზნებით მსურველი, ორდინარული პასპორტის მფლობელი მოქალაქეების გათავისუფლებას ვიზის აღების ვალდებულებისაგან.
დოკუმენტის ძალაში შესვლის შემდეგ საქართველოს მოქალაქეები შეძლებენ ბრაზილიის ტერიტორიაზე შესვლას, ყოფნასა და ტრანზიტს 90 დღის განმავლობაში 180-დღიან პერიოდში - ათვლა ქვეყანაში პირველად შესვლის დღიდან დაიწყება. ანალოგიური რეჟიმი იმოქმედებს ბრაზილიის მოქალაქეების მიმართ საქართველოში.